Sommarskule med elvepadling i veke 33 2019

Er du glad i vatn og mellom 12-18 år? Då kan du få tidenes oppleving i sommar! Saman med sertifiserte og dyktige instruktørar arrangerer me sommarskule for ungdom i alderen 12-18 år siste veke i sommarferien. Du får utdelt våtdrakt, redningsvest, hjelm, spruttrekk, åre og båt til bruk i padleskulen. Me ordnar også med lunsj og frukt.

Mandag 12. august – fredag 16. august
KL 09.00-15.00

Oppmøte er kl 9 og me held på fram til kl 15 kvar dag. Me kjører to økter med ein god lunsj midt på dagen. På padleskulen får du opplæring i korleis symja og padla i vatn med straum. Me skal leika, bada, padla, dukka, hoppa frå berga og kosa oss i den vakre vassdragsnaturen me har på Voss. I dette miljøet knyttar du heilt spesielle band, og får opplevingar som du tek med deg resten av livet. 

Prisen på 2400,- inkluderer utstyrsleige, instruksjon og lunsj kvar dag. Du som er med på padleskulen får også gratis utstyrsleige til klubbpadling ut året, slik at du kan vere med oss på trening kvar veke utover hausten også dersom dette var noko du har lyst til å prøve ut meir.

Ved spørsmål ta kontakt med siljeskorve@gmail.com eller dag.sandvik@gmail.com

Pris er kr 2400,- Me har nokre plassar til kr 200,- som er satt av til familiar med dårleg økonomi. Ta kontakt.
Påmeldingskjema finn du her

Påmeldingsfirst 1. juni!

Del på Facebook

Sikkerhetskurs NPF

Bli med på NPF-godkjent sikkerhetskurs på Voss! Det er plass til 10 deltakarar på kurset som til saman kostar kr 7000,- (700 kr per pers dersom kurset blir fullt).

Lørdag 10. – søndag 11.  november 2018

Kl 09.00 – 16.00

Ta med:

  • høveleg med mat og drikke (noko varmt?)
  • noko å skrive med og på
  • kasteline
  • pin kit (dersom du eig)
  • kniv
  • førstehjelpssett(dersom du eig)
  • klede til å vere ute på land
  • Dei to siste dagana må du også ha med padleutstyr med bekledning som er høveleg til mykje symjing i elva (her er det ganske kaldt).

Møt opp ved kajakkbua. Spørsmål kan sendast til dag.sandvik@gmail.com. Ingen spørsmål er dumme.

Påmelding på facebook-melding til https://www.facebook.com/messages/t/jeanchristophe.scouarnec

 

Del på Facebook

Aktivitetslederkurs på Voss

Kayak Voss vil halde aktivitetslederkurs for NPF på Voss helga den 26.-27.juli. Aktivitetslederkurset utdanner deg til å kunne leie grunnkurs elv, samt leie klubbaktivitet o.a. på opp til grad 3. Kurset vil ha ein dag med praktisk trening i rettleiing av nybegynnarar samt ein dag med trening på redning og gruppedynamikk i stressande situasjonar. I tillegg vert det nokre kortare teoriøkter. Generell info om kursa finn du her: http://www.padling.no/grener/Elvepadling/Kurs/Sider/Kurs.aspx

I samband med kurset vert det sett av to dagar i forkant til eit teknikk- eller eit sikkerhetskurs. Dette er fordi eg har fått melding om at me har deltakarar som manglar eit av desse opptakskrava. Her er det mulig at me kan få begge deler dersom det vert naudsynt.

Prisen for aktivitetslederkurset er 1200 per VKK/BSI medlem og 1500 for andre deltakarar.

Vel møtt til kurs!

Du kan melda deg på gjennom dette skjemaet på våttkort.no. Spørsmål kan sendast til Dag Sandvik.

Kurs på Voss!

No til helga, 21. og 22. juni, vert det halde NPF sikkerhetskurs på Voss for dei som er interesserte. Prisen for kurset er 1500,- per pers og 1200,- per VKK og BSI medlem. Krav til deltaking er gjennomført grunnkurs og ferdigheter tilsvarande ein sesong padling. Arrangør av kurset er Kayak Voss, og påmelding og info om våre kurs kan de finne på denne nettsida: http://www.kayakvoss.com/courses-2014/

14 dagar etter vert det halde teknikkurs på Voss. Altså den 5. og 6. juli. Her er det NPF som er arrangør, og prisen er 1500 for alle deltakarar. Påmelding skjer via våttkort.no

ungdomskurs