Utstyrsleige

Klubben har det du treng for å bli med på elva – våtdrakt, hjelm, redningsvest, spruttrekk, åre og båt.
Dersom du låner utstyr utanom klubbaktivitet skal det leverast tilbake på Bua samme dag.

For å bruke utstyret må du:

  1. Vere betalande medlem av Voss Kajakklubb
  2. Ha betalt utstyrsleige – sjå prisar her.
  3. Dersom du vil bruka det utanom klubb-aktivitet: Du må ha nok ferdigheiter til å padle på det farvatnet du legg ut på. Det er strengt forbode å padle aleine med klubben sitt utstyr.

Alle som bruker utstyret må føre det opp i BOKA – den heng til høgre når du kjem inn døra på Bua:

Alt er merka med eit nummer bak på utstyret. Du fører nummeret til det du låner inn i boka. Hugs å signer når du har levert tilbake. Om noko vart øydelagt på turen er det ok – men sei i frå til utstyrsansvarleg.

Ein skal alltid vere fleire i lag når ein padlar, og tenke tryggleik fyrst! Hugs på at vannstanden kan variere og dermed vanskegraden. Legg ikkje ut på flaumstor elv sjølv om du har padla samme staden før.