Om klubben

Voss Kajakklubb er hovudinteresseorganisasjon for kajakkpadlarar i Vossaområdet, og er eit idrettslag tilknytt Norges Padleforbund. Idrettslaget driv med friluftsliv og breddeidrett, samt konkurranse og elitesatsing.

Arbeidet skal vere prega av frivillig innsats, demokrati, lojalitet og likeverd. All
idrettsleg aktivitet skal byggje på grunnverdiar som idrettsglede, fellesskap, helse
og ærlegdom. Idrettslaget skal vere ein pådrivar for kompetanse på tryggleik, padleteknisk
dugleik og omsynsfull ferdsel i naturen. – Vedteke i lovnorma til Voss Kajakklubb

Voss Kajakklubb er ein klubb som passar alle padlarar. Er du symjedyktig og litt over gjennomsnittet glad i vatn? Då kan elvepadling vera aktiviteten å driva med. Me har ei fast fellespadling i veka (sjå klubbpadling) der me har eit opplegg som ivaretar alle nivå.

Om du ynskjer å vera med på kjekke turar med oss og leike på elva: Meld deg inn her!